Unitads instituziunalas e persunas occupadas tenor classa da grondezza en il chantun Grischun, dapi l'onn 2011
Published by Uffizi per economia e turissem
About this dataset
Quest dataset preschenta las cifras annualas da las unitads instituziunalas e da las persunas occupadas tenor la classa da grondezza en il chantun Grischun, a partir da l'onn 2011. Classas da grondezza: A maun da las classas da grondezza pon las interpresas vegnir classifitgadas tenor impurtanza. Per la divisiun vegn consultà ubain il dumber da persunas occupadas ubain il dumber d'equivalents da plazzas a temp cumplain. Fin l'onn 2016 èn las interpresas vegnidas divididas a maun dal dumber ETC. Per observar ils standards internaziunals en spezial en il sectur da las IPM, stat il focus dapi l'onn 2017 (publicaziun da las datas dals STATENT 2015) sin las classas da grondezza tenor il dumber d'occupaziun. Tut las datas anteriuras da la STATENT èn vegnidas calculadas da nov en questas classas da grondezza tenor las persunas occupadas. Unitad instituziunala: L'unitad instituziunala è in'unitad giuridicamain ed economicamain independenta. En il sectur privat correspunda in'unitad instituziunala ad ina interpresa. En il sectur public correspunda ella ubain ad ina interpresa publica u ad in'administraziun publica. Equivalents a temp cumplain: In equivalent a temp cumplain (ETC) correspunda ad ina plazza cun in grad d'occupaziun da 100 % (exempel: ina plazza da 50 % correspunda a 0,5 ETC). Ils equivalents a temp cumplain vegnan calculads sin basa d'in model da stimaziun che sa basa essenzialmain sin las indicaziuns dals salaris da la AVS tenor branschas e tenor schlattaina e che vegn cumplettà cun infurmaziuns or da retschertgas, tranter auter da la statistica d'occupaziun (BESTA).
Live preview
The first rows, fetched from Opendatasoft hub when you open this page.
Loading the first rows from the source…