Skip to content
Open Data Finder
Opendatasoft hubLive preview

Indicaturs da finanzas da las vischnancas grischunas

Published by Uffizi da vischnancas

About this dataset

Questa unitad da datas cuntegna ils indicaturs da finanzas da las vischnancas grischunas a partir da l'onn 2019. Ils indicaturs da finanzas èn facturs impurtants per la gestiun e per l'administraziun d'ina vischnanca e mussan las tendenzas da la politica da finanzas. Per pudair cumparegliar las vischnancas ina cun l'autra valan definiziuns armonisadas sin plaun naziunal per calcular quests indicaturs da finanzas. L'Uffizi da las vischnancas eruescha, sin basa da las datas cumprovadas en il quint annual, en spezial ils suandants indicaturs da finanzas (cf. art. 30 da l'Ordinaziun da finanzas per las vischnancas; DG 710.200): Atgna finanziaziun absoluta en CHF: resultat total dal quint da gudogn e da perdita plus las amortisaziuns sin bains d'investiziun materials e sin las contribuziuns d'investiziun, plus il saldo tranter ils pajaments e las retratgas da fonds spezials e da finanziaziuns spezialas, sco er il saldo tranter rectificaziuns da la valur sin investiziuns da chapital, sin emprests e sin participaziuns ed auters contos. Ultra da quai vegnan deducidas las retratgas d'agen chapital e quintads ensemen ils tschains e l'amortisaziun da las obligaziuns envers la cassa da pensiun. Ina preschentaziun detagliada da la calculaziun da l'atgna finanziaziun po vegnir cuntegnida en la Recumandaziun pratica tar il model armonisà da contabilitad 2 per vischnancas grischunas . Atgna finanziaziun per abitanta u abitant en CHF: atgna finanziaziun dividida tras la populaziun permanenta. Indebitament net/facultad netta(-) absolut en CHF: l'indebitament net absolut en CHF è il chapital ester minus la facultad finanziala. Ina valur negativa (plus facultad finanziala che chapital ester) correspunda ad ina facultad netta. Indebitament net/facultad netta(-) per abitanta u abitant en CHF: l'indebitament net en CHF per persuna correspunda al chapital ester minus la facultad finanziala, dividì tras la populaziun permanenta. Quest indicatur da finanzas vegn duvrà sco valur per il grad d'indebitament. Ina valur negativa (plus facultad finanziala che chapital ester) correspunda ad ina facultad netta per persuna. L'indicatur sa lascha divider en las suandantas categorias: facultad netta < 0 CHF indebitament pitschen: 0 - 1'000 CHF indebitament mesaun : 1'001 - 2'500 CHF indebitament grond : 2'501 - 5'000 CHF indebitament fitg grond : > 5'000 CHF Grad d'atgna finanziaziun en pertschient: sch'ins metta en relaziun l'atgna finanziaziun cun las investiziuns nettas, resulta il grad d'atgna finanziaziun en pertschient. El inditgescha quant enavant che novas investiziuns pon vegnir finanziadas cun agens meds. A vista mesauna duess il grad d'atgna finanziaziun importar en media 100%, resguardond er l'indebitament actual. Quest indicatur po esser suttamess a fermas fluctuaziuns e duess perquai vegnir considerà a vista mesauna. Tut tenor la situaziun da la conjunctura duai il grad d'atgna finanziaziun importar: ideal : > 100% bun fin sustegnaivel : 80% - 100% problematic : 50% - 80% nunsuffizient : < 50% Quota d'atgna finanziaziun en pertschient: quest indicatur metta l'atgna finanziaziun en relaziun cun las entradas currentas. El infurmescha davart la capacitad finanziala e davart la libertad d'agir finanziala d'ina vischnanca. L'indicatur sa lascha divider en las suandantas categorias: buna : > 20% media : 10% - 20% flaivla : < 10% Part dals custs da finanziaziun en pertschient: la part dals custs da finanziaziun correspunda a la grevezza netta dals tschains plus las amortisaziuns ordinarias da la facultad administrativa en pertschient dals retgavs currents. Ella è pia in indicatur impurtant per la grevezza che l'administraziun da finanzas da la vischnanca chaschuna tras ils custs da chapital: pli auta che la quota è, pli pitschna che la libertad d'agir finanziala vegn. L'indicatur vegn anc influenzà per part dals gronds custs d'amortisaziun en connex cun la midada a l'OKM2. Bains administrativs ch'èn fin ussa bilantschads tenor OKM1 ston vegnir amortisads e

Live preview

The first rows, fetched from Opendatasoft hub when you open this page.

Loading the first rows from the source…

Indicaturs da finanzas da las vischnancas grischunas · Open Data Finder